அல் ஹிக்மா முஸ்லிம் மஹா வித்தியாலயத்தின் 86ஆம் ஆண்டு நிறைவு விழாவை முன்னிட்டு கடின பந்து கிரிக்கெட் பயிற்சி நெட்ஸ் அங்குரார்ப்பண விழா

எமது அல் ஹிக்மா முஸ்லிம் மஹா வித்தியாலயம் தனது 86ஆவது ஆண்டு நிறைவை (1939.11.06 – 2025.11.06) முன்னிட்டு, கடின பந்து கிரிக்கெட் பயிற்சி நெட்ஸ் அங்குரார்ப்பண நிகழ்வை இன்று பாடசாலை மைதானத்தில், அதிபர் ஜனாப் M. I. M. இல்யாஸ் அவர்களின் தலைமையில் சிறப்பாக நடத்தப்பட்டது.

இந்த நிகழ்வின் முதன்மை அதிதியாக, எமது பாடசாலையின் பழைய மாணவரும், Fine Filigree (Gems Pvt. Ltd) நிறுவனத்தின் உரிமையாளருமான அல் ஹாஜ் ரிஸ்வான் ஜலால்தீன் அவர்கள் கலந்து சிறப்பித்தார்.

விசேட அதிதிகளாக மத்திய மாகாண பாடசாலை கிரிக்கெட் சபையின் இணைப்பதிகாரி Mr. P. கணேஷ்குமார் அவர்கள், மாணவர்களுக்கான T-shirt களை வழங்கிய சகோதரர் நஃபீஸ் அவர்களின் பிரதிநிதியாக முன்னாள் அதிபர் F. M. ரஷாத் நலீமி அவர்கள், பெற்றோர், பழைய மாணவர்கள் மற்றும் நலன்விரும்பிகள் பலரும் கலந்து கொண்டு நிகழ்வை சிறப்பித்தனர்.

நிகழ்வை சிறப்பாக நடைபெறச் செய்த சகோதரர் காதர் நிஜாம் அவர்களுக்கும், மாணவர்களுக்கு Practice Net மற்றும் T-shirt வழங்கியவர்களுக்கும், அனைத்து விதத்திலும் உதவிய அனைவருக்கும் இதயம் கனிந்த நன்றிகள் தெரிவிக்கப்படுகின்றன.