இலங்கையின் தாமரை கோபுரத்திற்கு நேர்ந்த விபரீதம்

ஆசியாவின் மிகவும் உயர்ந்த கோபுரமான இலங்கையின் தாமரை கோபுரத்தின் நீர் குழாய் உடைந்துள்ளதாக தெரிவிக்கப்படுகின்றது.


ஜனாதிபதி மைத்திரிபால சிறிசேனவின் தலைமையில் இம்மாதம் தாமரை கோபுரம் திறக்கப்படவிருந்தது. இந்த நிலையில் அதன் நீர் குழாய் உடைந்தமையினால், நிர்மாணிப்பு குழுவினர் அதிருப்தியடைந்துள்ளனர்.

தாமரை கோபுரத்தின் பணிகளை அதன் ஒப்பந்த நிறுவனம் முழுமையாக நிறைவு செய்துள்ளதாகவும் அதனை உத்தியோகபூர்வமாக திறக்கும் வரை, பூட்டு போட்டு மூடி வைத்துள்ளதாகவும் அதிகாரி ஒருவர் கடந்த வாரம் குறிப்பிட்டிருந்தார்..

நேற்று பாரிய நீர் குழாய் ஒன்று வெடித்துள்ளதாக கூறப்படுகின்றது.
எனினும் அங்குள்ள ஊழியர்கள் தாமரை கோபுரத்தின் நீர் குழாய் வெடித்துள்ளதனை உறுதி செய்துள்ளனர். இந்த நிலையில் அதனுள் மேலும் சில பகுதிகளில் இவ்வாறான பாதிப்புகள் காணப்படலாம் என சந்தேகம் வெளியிடப்பட்டுள்ளது.
இது தொடர்பில் இந்த திட்டத்திற்கு பொறுப்பான உயர் அதிகாரி ஒருவரிடம் வினவிய போதிலும் அவர் தகவல் வெளியிடுவதனை புறக்கணித்துள்ளார்.